पृथ्वीजत्रै जुम्ल्याहा ग्रह फेला परे

 खगोलविद्हरुले पहिलोपटक पृथ्वीकै आकारका २ वटा ग्रह पत्ता लगाएका छन् । सौर्यमण्डलबाट धेरै टाढा रहेका ती ग्रहहरुले सूर्यजस्तै एक तारालाई परिक्रमा गर्ने खगोलविद्हरुको भनाइ छ । पृथ्वीका जुम्ल्याहा ग्रह जस्ता रहेका ती ग्रहमा इतिहासमा कुनै समय जिवको अस्तित्व रहेको हुनसक्ने बताइएको छ ।

खगोलविद्हरुले पछिल्लो खोज सौर्यमण्डल बाहिरका ग्रहहरुमा गरिएको खोजमध्ये अहिलेसम्मकै निकै महत्वपूर्ण खोज रहेको दाबी गरेका छन् । अध्ययन टोलीका प्रमुख तथा क्याम्ब्रिज विश्वविद्यालयको खगोलिय भौतिक विज्ञान केन्द्रका वैज्ञानिक डाक्टर प|mान्कोइस प|mेसिनले पृथ्वीजस्ता ग्रहहरु पत्ता लगाउने विषयमा यसले नयाँ अध्याय सुरु गरेको बताए ।

नयाँ पत्ता लागेका ग्रहहरुमा तापक्रम निकै उच्च रहेकाले तत्काल जिवनको सम्भावना भनेको नरहेको उनको भनाइ छ । तर कुनैबेला ती ग्रह आफ्नो सूर्यभन्दा धेरै टाढा रहेकाले त्यसबेला ती ग्रहमा तरल पानी रहेको उनले बताए । अहिले पृथ्वीको आकारका ती ग्रहमा विगतमा पृथ्वीको जस्तै तापक्रम र जिवको अस्तित्व रहेको हुनसक्ने उनको दाबी छ । यी दुइ ग्रहको नाम केप्लर २० एफ र केप्लर २० इ राखिएको छ ।

                    source:onlinekhabar.com